شوية حاجات

حب بلا شروط

2011-12-18T20:24:00.002+02:00

باستطاعتك ان تكون ذاتك، وبأستطاعتك ان تعبر بكل ثقة عما به تفكر وتشعر، من دون ان تخشى الحرمان من ذلك الحب. إنك لن تعاقب على صراحتك وانفتاحك. فإن حبي لا يفرض عليك لا ثمن دخول ولا بدل ايجار ولا دفعة على الحساب....وقد يأتي يوم تختلف فيه آرائنا ونحس بمشاعر مقلقة فيما بيننا. وقد يأتي يوم تفصل فيما بيننا مسافات نفسية او جسدية. ولكني عاهدتك الالتزام بك. هذا خط حياتي ولن أحيد عنه أبدا. لذا بإمكانك ان تكون حرًا وتعبر لي عن الايجابي في ردات فعلك والسلبي ايضاً وعن الحار في عواطفك وسواه. أنا لا يمكنني ان استبق ردات فعلي، ولا ان اضمن قوتي، ولكن امرا واحدا اعرفه، وهذا مااريدك انت ان تعرفه: "إنني لن ارذلك ابداً" لقد ألزمت نفسي بنموك وسعادتك، ووعدتك بدوام حبي

And I love,I love,I love u

2011-09-26T13:08:00.004+02:00

You must know... surely, you must know it was all for you. You are too generous
to trifle with me. I believe you spoke with my aunt last night, and it has
taught me to hope as I'd scarcely allowed myself before. If your feelings are
still what they were
last April, tell me so at once. My affections and
wishes have not changed, but
one word from you will silence me forever. If,
however, your feelings have
changed, I will have to tell you: you have
bewitched me, body and soul, and I
love, I love, I love you. I never wish to
be parted from you from this day on

Pride &
Prejudice.

بقالى شهر مدونتش

2011-05-19T23:46:00.002+02:00

انهارده دخلت البلوج لقيت نفسى بقالى شهر مدونتش !!

ياترى ...

عشان مفيش احداث جديدة ؟
ولا البحث عن موضوع ؟

ولا مش قادرة اركز
الناس والاعلام والجرايد وكل حاجة بتتكلم فى موضوع واحد
وانا زهقت من الكلام ده ...

لدرجة ان انا لو عرفت ان المكان ده فى ناس بتتكلم وبترغى كتير
مش باروح
وقررت برضة انى ابعد تماما عن التجمعات اللى فيها ناس .

لأن...
اوقات الناس بتتكلم ومش بتضيف جديد وده صداع قوى

من يومين لى صديقة ماتت ودى كانت صدمة لى
لأنها فى سنى تقريباً او اكبر من بسنه او اتنين
وماتت من غير اى مقدمات
فى هدوء تام
ماتت

عندى شعور قوى تجاه كل اصحابى حاسة انهم وحشنى
حاسة انى عايزة اقول لكل واحده فيهم انا بحبك
انتى شريان لحياتى
ومصدر حب لقلبى
حتى الرخمين منهم
برضة عايزة اقولهم انى مقدرش استغنى عنكم
بس من فضلكوا متضايقونيش

عندى قناعة ان احنا لازم نعيش ونقدر كل يوم بيومه
لأن دى حقيقة
احنا مش عارفين
بكره هيجى ازاى
دى حقيقة
لازم نصدقها

كل يوم بسأل نفسى ايه هو الحب ؟
للأسف انا لغاية دلوقتى ملقتش اجابة عالسؤال بتاعى
بس كلام الناس بيقول
الحب غيره
الحب اهتمام
الحب تضحية
والحب موت

بس انا معرفش
انا لازم اوصل لأجابة
ولازم اوصلها بنفسى
ودى مهمتى الايام اللى جاية !!

انتحار مستر جى

2011-04-13T20:19:00.000+02:00

خرجنا من السينما وهو محبط الى حد ما . لقد حاول بكل الطرق ان يغازلنى ولكنه فشل فشل ذريع. بالطبع لا يستطيع امثاله ان يتقبل الفشل . فهو شخصية ناجحة اجتماعية جدا ، لا يستطيع ان يعيش بدون الناس ، هاتفة دائما مشغول ودائما لا يرد على اتصالى من اول مره ، متسلط على زملائه فى العمل بحكم منصبه وحينما اسأله عن الاسباب يجيب ببساطة لأن الموظف المصرى يجب ان يعامل بحزم لكى ينجز. فأرد هل تسمى الاهانة حزم؟؟.

لم يكن اسلوبة فى العمل هو محور اختلافنا الوحيد فهناك ثقافته وتحكمه فى الضعفاء فى نظره الذى اراهم محترمين جداً، بالأضافة الى الاشياء التى تجعله يفرح ويسعد والتى تقوم دائماً على تعاسة شخص اخر .

تقابلنا فى المساء، اتفقنا على الخامسة وجاء متأخراً كالعادة ومعه صديق له قال انه صادفة فى الطريق وفكر انها ستكون فكرة رائعه لو انضم الينا، صديقه وقد بدى لى من اول وهله مثقف وغنى ولكن ما ان دار بيننا حديث الى ان وجدته ابله وغير واثق بنفسة فكان يرد على كل اسئلتى بالايجاب ويقتنع بدون اسئلة بأرائى.

توجهنا بعد ذلك الى السينما وسألنى عن الفيلم الذى اريد ان أشاهده على الرغم من اننا حددنا قبلاً اسم الفيلم ولكننى اجبته بكل هدوء وحين وصلنا كرر السؤال مره اخرى وكنت بدأت افكر ان اغادر قبل ان يعكر هذا الانسان يومى بتفاهته وعجرفته امام الاخرين .

كنت قد تعرفت عليه عن طريق الانترنت فكعادته كان يضع صوره له مع اشهر المطربين العرب وكعادتى اضع بعض الرجال فى خانة الطوارئ اى عندما يلزمنى شريك عندما اذهب لحفلات الاوبرا او الى الحفلات الاجتماعية والخيرية . وتظل صداقتنا صورية وكان هو الاجدر لوسامته وحسن طلته. مر شهرين على تعارفنا عن طريق الانترنت ثم عرض على ان نتقابل واصبحنا نتقابل تقريباً كل اسبوع ولمست جديتة فى بناء صداقه معى. وعلى الرغم من اننى لم اتقبل غروره إلا انه كان يؤنس وحدتى، واليوم كان قد مر حوالى ثلاثة اشهر على علاقتنا.

للأسف انا حقيقية وحالمه وهو منافق وواقعى ويرى ان الظلم ممكن ان يكون عدلاً اذا كان فى صالحة ونحن بالتمام مختلفين وبمرور الوقت رأى ان علاقتنا ممكن ان تنجح اذا استمر كلانا ان يعمل على انجاحها وفى نظرى ان الاحاسيس لا يحركها سوى الحب والحب لا يأخذ قوة ولا يفرض نفسة على الاخرين ، انا لا أغير مبادئى ولا اخدع الناس ولا اسعى للوصول لمكانة غير مكانتى او لكرسى ليس مكتوب عليه اسمى ولا اعد بشئ لا استطيع تحقيقه ولا اعتقد اننى استطيع تحقيق احلامى فأعيش كل لحظة من حياتى بسعادة ولا اعتمد على احد او على شئ لأحصل على سعادتى ولا احتاج شخصاً لأكون اسعد أو اكثر امناً فأنا راضية بأحوالى كما هى ودائماً اعتمد على اشياء ثابته لا تتغير لأسعد بها مثل تلقائية الاطفال فى الضحك والاسود فى اللعب ولا ادخر جهد او مال لأى لحظة غير الحالية .

اما هو فلا يسعد ولا يضحك ولا يرى فى النور والسماء جمال ولا فى الربيع مجانية ولا يدين بشئ ولا يؤمن حتى بنفسة ويُسقط مشاكله على الاخرين ويهاجم بشراسة من ينتقده واذا فكرت ان تقف ضد مصالحه ببساطة سيقضى عليك. سألته يوماً عن عدد ضحاياه او كم يعتقد انهم نالوا من اذيته؟

فضحك وجاملته وضحكت .. وطرق زجاج العربة طفل يفتح فاه ويطلب صدقه ففتح زجاج العربه وناوله جنيهاً فضياً واستنكرت فعله لأنه بذلك يشجع على التسول فقص لى كيف ان والدته كانت تحثه دائماً على العطاء.

هذا نفس الشخص الاب لثلاث ابناء لم يراهم منذ سنوات لخلاف ما حدث بينه وبين زوجتة وانفصلا، وهذا الشخص هو نفسة الذى لا يعطى زوجته مليماً لأنها لا تستحق . هو هو نفس الشخص الذى عندما جاءه شرطى يخبره ان ابنه تم القبض عليه لتورطه فى قضية مخدرات لم يسعفه وانتظر حتى يخرج ابنه وضربه واهان امه وجدته وأيده الرجال والشيوخ فى المنطقه وصار يوماً معروف فى الشارع والحى الذى يقطنه الصبى وامه وجدته.

لم ندخل نفس الفيلم المتفق علية بل دخلنا أخراً اختاره هو ، لم استمتع بالفيلم فلم احب يوماً هذه النوعية من الافلام ولا التفت فى الافلام لشئ بعينه، فى الحقيقة حكمى على الفيلم يأتى نتيجة قدر المشاعر التى ينقلها لى فأذا لم اشعر بشئ فالفيلم بالنسبه لى لاشئ واذا شعرت بشعور ايجابى فالفيلم رائع وهكذا، ولا استطيع ان اتعلم شئ بدون ان المسه وابرع فى فنون الرسم والتصميم والخيال والابتكار، فأخبرته عن رأيى بصراحه وعن عدم إستيعابى للفيلم فلم يهتم وظل مبتهج للاحداث السريعه والمتواليه فى الفيلم..

كنت احياناً ارى ان قدرى هؤلاء الاشخاص لأننى لم اضع خطة محكمة للارتباط او حدث وفكرت ان ارمى شباكى على احدهم فكنت ارى طوال الوقت اننى مكتفية وكنت قد استسلمت لهذه النوعية من العلاقات الذى يعتمد فيها الطرف الاخر عليك لتعطية اما الشعور بالامان اوبالقيمة أو لتسعده كواجب منك وليس بدافع الحب وبمرور الوقت تجده يعتمد عليك اكثر فأكثر ويشعرك بالذنب اذا قصرت فى واجبك او ما يقتنعك انه واجبك فى حين ان الناضحين يخرجن فى حرية نحو الاخر ويكون تكامل بين الكائنين وليس اعتماداً.

ودعنا صديقه بعد الخروج من السينما ودعانى الى منزله وكان يحلم بليلة وردية ولكن ما حدث كان عكس توقعاته.

اخرج زجاجة ويسكى وسألنى اذا كنت اريد ان اشرب فأخبرته اننى لا اشرب وساد صمت فترة كنت افكر وقتها بالمغادرة ولكننى نظرت اليه وقلت أننى اريد المعرفه اكثر عن حياتك. فكان يبتعد عنى ويقص لى عن مرحلة ما ثم يصب كأساً اخر ويكمل حديثة ثم يعاود محاولاته معى وكنت اطرح سؤالاً جديداً فى كل مرة وظل يحكى تفاصيل حياته بكل صراحة ووضوح ويبرر لنفسة كل شروره . غريب ان الانسان لديه قدره على تبرير كل شئ .وكنت اسمعه واتسائل ما الذى يجمعنا؟ هل هو قدرنا ام هى وحدتنا ام مستوانا الانسانى؟ ام ماذا؟

عندما انتهى وكان قد ثمل تماماً شعرت انه كحيوان مقذذ ولم اكن اعرف ان الحقيقة ممكن ان تجعلنى اشمئز من الانسان وتجعلنى اكره العقل الذى يرفعنا الى مراتب السموات وينزلنا الى مراتب الحيوانات ، ايقنت اننى كنت على صواب فى حكمى عليه وانه يظهر عكس ما يبطن تماما، وأتانى يقين ما بأننا فى مرحلة ما لن نستطيع ان نميز الكذب من الصدق فقط لأننا اعتدنا التجمل.

بدأ يبكى ويخبرنى بأن عيبة الوحيد بأنه شخص غير طموح ودائماً يرضى بقليلة وكان وسط كلامه رثاء وكان بدأ يفتح زجاجة اخرى وكان يهمهم كحيوان ميت فأمسكت حقيبتى وفتحت باب الشقة وقالت له الوداع يا صديقى.

وجدته يقف ويجرى نحو غرفته وكان يترنح عند الباب لم اهتم بالدخول ورائه ولم اكن اريد الرجوع او معرفة ماذا حدث فكنت اريد ان اكتفى بما وصلت اليه واحتفل بوصولى للحقيقة ولكن لا اعرف ماذا دفعنى للعودة ودخلت الى الشقه مرة اخرى وذهبت للغرفة ووجدته يمسك بمسدس يوجهه تاره الى فمه وتارة الى رأسة ، رجعت خطوة للخلف واقنعت نفسى بأن الانسان مصير وليس فى مقدورى شئ افعله وان امثال هذا الرجل يجب ان يكون مصيرهم مع الكفار.

دخلت الى الغرفة وهو لم يتردد كثيراً كعادتة واطلق رصاصة على رأسة ووقع على الارض وسال بركان دماء منه . كنت اقف واشاهد المنظر ساكنه غير منفعله لم اشعر لحظة بالذنب لموته ولم افكر ان اثنيه عن فعلته، كنت قد حكمت عليه بالموت فى خيالى فلم يعد يهمنى ؟.

جمعت كل الاموال من البيت ورتبتهم فى حقيبتين واخذت صورة من محضر ابنه من مكتبه وكتبت عنوان زوجتة وام اولادة وذهبت اليهن ووضعت حقائب الاموال عند الباب وطرقت الباب ونزلت مسرعه وما ان وصلت للدور الارضى إلا وسمعت الجده تنادى ابنتها وتخبرها بأن الله استجاب لدعاها.

خرجت من الشارع مسرعه وقرأت فى الصحف عن مصرع مستر جى وقصصت الخبر ووضعته فى حجرتى ولم اندم يوماً عما فعلت.

تمت

البطه اودى

2011-04-01T21:35:00.002+02:00

البطه اودى بطه كبيرة وعندها بطتين صغيرين وفى مرة البطه اودى نزلت من البيت واخدت معاها بنتها البطه الكبيرة عشان توصلها المدرسة وقالت لبنتها البطه الصغيرة اوعى تخرجى بره البيت عشان ممكن تتوهى او ممكن حد يخطفك وبعدين باستها بين عينيها ونزلت اودى وبنتها الكبيره وبعد ساعتين رجعت اودى البيت وملقتش البطه الصغيرة وقعدت تدور هنا وهناك وفوق الطربيزة وتحت السرير وفى كل المكان وتحت الكراسى وفى الشارع وتسأل الجيران لكن برضة ملقتهاش . لغاية ما قالها ولد صغير انه شاف التعلب ماسك بطه صغيرة وبيجرى ناحية بيته ... فقامت اودى تجرى تجرى تجرى عشان تلحق بنتها قبل ما التعلب يحمرها وياكلها ...واول ما وصلت لبيت التعلب لقيته رابط البطه الصغيرة بحبال جامد قوى فى الكرسى وحاطط ميه عالنار عشان يحمرها وياكلها فراحت للتعلب وزعقتلة وقالتله فك بنتى دلوقتى لكن هو مرضيش وقالها لو ممشيتش دلوقتى هياكلك انتى كمان لكن اودى مخافتش وراحت للبطه الصغيرة وفكت الحبال بتاعتها وكانت لسه هتجرى لكن التعلب طلع السكينة وقالهم لو اتحركتوا ناحية الباب هدبحكوا علطول .... البطه اودى قالتله خلاص مش هنمشى لكن قولى انت عايز ايه ؟ قالها انا جعان وعايز اكل ... قالتله خلاص انا هاروح اجيبلك اكل وقعدت اودى تفكر تعمل ايه تعمل ايه ... لغاية ما جتلها فكرة انها تجيب بكل الفلوس اللى محوشاها فى الحصاله اكل للتعلب عشان يسيب بنتها ... وراحت اودى اخدت كل الفلوس اللى فى الحصاله ... وراحت جابت للتعلب اكل كتيير كتيير ... وبعد ما شاف التعلب الاكل الضخم اللى هى جايباه ... ساب البطه الصغيرة... فاخدت اودى البطه الصغيرة فى حضنها حضن كبير وسألتها البطه الصغيرة ياماما انتى عملتى ايه ؟؟؟ ردت اودى وقالتلها معملتش حاجة يا حبيبتى ومسكتها ورفعتها لفوق وبعدين حطتها على ضهرها ... انبسطت قوى البطه الصغيرة وحضنت اودى حضن كبييييييير قوى.

المولد

2011-02-28T11:12:00.002+02:00

فى المولد مراجيح
وعيال ووشوش دراويش
عمــــــــاله
تبوح بكلام
مسموح وكلام مكتوب
فى قلوب الناس ممنوع
يتقــــــــــــــــــــــــــال

خايف اقول !!

2011-02-22T18:25:00.003+02:00

خايف اقول اللى فى قلبى
تتقل وتعاند ويايـــــــــــــا
ولو داريت عنك حبـــــــي
تفضخني عيني في هوايـا

عبد الوهاب

سمك مقلى

2011-02-22T17:50:00.001+02:00

ماما معملتش اكل انهارده
وقالتلنا هناكل السمك
اللى عملته امبارح ومأكلنهوش !!

.............

نفسى فى فراخ بالكارى

أحبُّك حبين

2011-02-18T19:22:00.003+02:00

عرفت الهوى مُذ عرفت هواكا
وأغلقت قلبي عمن عداكا

وقمت أناجيك يا من ترى

خفايا القلوب ولسنا نراكا

أحبُّك حبين:حُبَّ الهوى

وحباً لأنك أهلٌ لذاكا

فأمَّا الذي هو حُبُّ الهوى

فََََََشُغلِى بذكركَ عَمَّن سِواكا

وأما الذى أنت أهل له

فكشفك لي الحجب حتى أراكا

فلا الحمدُ فى ذا ولا ذاك لي

ولكن لك الحمد في ذا وذاكا

وأشتاقُ شَوقين :شَوق النوى

وشوقا لقرب الخطى من حماكا

فأمَّا الذي هو شَوق النوى

فمَسرىَ الدُّموع لطول نواكا

وأمَّا اشتياق لِقُرب الحِمى

فنارُ حياةٍ خَبَت في ضياكا

ولست على الشَّجوِ أشكو الهوى

رَضِيت بما شئتَ لي في هواكا

شعر للسيدة رابعة العدوية و الشاعر طاهر أبو فاشا

كيف تخلق المؤسسات الدينية شخصيات مهزوزة ؟

2011-02-05T13:39:00.004+02:00

منذ ايام ونحن نعيش فى ثورة ، ثورة قامت واشتعلت بغضب الشباب الذين هم فى سنى تقريباً وبالضبط ممن تتراوح اعمارهم بين 18 الى 30 عاما ً وفى يومها الثانى عشر استطعت ان اكتب عنها وبكل فخر ادقق واتأمل ردود الافعال الاقارب والاصدقاء الفرد والجماعه من الجهات الحكومية والمعارضة والمثقفين والفنانين والدول المتقدمة والنامية، تصاريح الولايات المتحده والدول الاوروبية والعربية وايضاَ اتابع اتجاهات الصحف المصرية والاجنبية والحوارات الصحفية والتقارير والانباء الاخبارية ، اشعر بسعادة طفل اخترع عربة او نفخ اله احدثت صوتا والتفت اليها الجميع فضحك جدا وخجل من صوتها.

اكثر ما اغضبنى موقف الاعلام المصرى والصحف القومية والمؤسسات الدينية فعندما تشاهد قنوات التلفزيون الوطنى المصرى تجده يذيع اخبار ومشاهد مضحكه ففى البداية ثبت صورة جسر السادس من اكتوبر ومشهد هادئ للنيل والسماء الزرقاء وبمرور الوقت تحول المشهد الى المتحف المصرى مع زاوية صغيرة للمتظاهرين هذا الى جانب التضليل ومحاولة وهم المواطنين بأن الامور تسير على ما يرام ، الموقف الذى جعل المشاهدين يفقدون المصداقية فى هؤلاء تماماً.

تناقل الصحف القومية صور واخبار المواطنون وهم يحتفلون بعيد الشرطة يوم 25 من يناير 2011 فى حين ان مئات الالاف تجمعوا فى ميدان التحرير يطالبون بالحرية والديمقراطية والعدالة الاجتماعية وإستخدام الامن العنف ضد المتظاهرين واصاية المئات مما اثار دهشتى وكأن الصحف القومية تصدر من بلد اخر غير مصر وتتحدث عن شعب اخر غير المصريين وعن احداث اخرى غير الواقعية .

تراجع المؤسسات الدينية امام التغيير والتطور وأنغلاقهم حول انفسهم وتعلقهم بكل ما هو قديم وترويجهم للفكر الانتحارى وكبت الرغبات وتغييب كامل للتفكير والتحليل وتهميش الاحتياجات الانسانية الطبيعية الشرعية خلقت اشخاص واجيال لا تعرف غير الكماليه التى يبتغوها وعلى غير وعى ودراية بمجريات الامور السياسية والاجتماعية والاقتصادية ولا تعرف لمن تنتمى ولمن تعطى صوتها. ما اثار الفوضى عند اول ازمة والسؤال الذى ظهر "ماذا بعد ؟".
اصنام حركتها الكتب الدينية، مراهقين على عدم اتصاق مع انفسهم، اطفال يبذلون اقصى جهدهم لترضى الخالق. الحجرعلى ارادتهم لسنوات اذاب ارادتهم الفردية فى الاراده الجماعية واصبح الشخص هو الجماعة وضاعت الهوية الفردية واذا حدثك احدهم تجده يعيد عليك وعظة سمعها لتوه من احدى رجال الدين الاوفياء.

يؤلمنى هذه الاجيال الذى خرجت الى الدنيا بلا اتجاه فردى او دروع تحميها او منهج بحثى ينتهجونه للوصول للحقيقة اوقناعات شخصية وانتمائهم الكامل لجماعتهم الدينية بكل عنف وصرامه رغم ان هويتهم الاولى هى انسان.

لا حول ولا قوة إلا بالله !!

الذين احبوا جدا

2011-01-07T08:22:00.003+02:00

دخلت بالامس الكنيسة ووجدت هدوء يعم المكان وتشديد امنى على الابواب وعلى الاسوار ونسبة الحضور قليلة جدا على غير العاده .. جو عام اصابنى بالاحباط الشديد وزاد على ذلك انتشار الزى الاسود ورائحة الموت وتمنيت من اعماق قلبى الا يعود عيد الميلاد مره اخرى وانا فى هذا البلد القاسى.

ولكننى ما ان دخلت الى الكنيسة إلا ووجدت احمد القمحاوى، نادين ابو شادى، عزة مغازى ومعهم اخرون يقفون بجوار البوابة الرئيسية ولم اصدق ما رأيت .. ذُهلت ووقفت فى مكانى .. اقترب منى احمد القمحاوى ومد يده بابتسامته وقال لى "كل سنة وانتى طيبة" .. نظرت الى جواره ووجدت نادين فذهبت اليها وقبلتها وسلمت على عزة وعلى اخر عرفنى بنفسه ولكننى نسيت اسمه. كنت اشعر بوحشه لأن معظم اصدقائى المسيحين تغيبوا عن الاحتفال ولكننى وجود احمد ونادين وعزة جعلنى اشعر بدفء وامان ونور الهى فى وجوههم .. شرح لى هانى الموقف مجاهداً ان يجعلنى استوعب ان اصدقائنا المسلمين حاضرين معنا احتفال عيد الميلاد .. ودخلت الجميلة ماريان ناجى رغم ان حاول الامن تفتيشها ولكنها كانت قوية ودخل بولا ماجد وبدأت ادرك ان الجميع هنا واننا لا نخشى الارهاب واننا فى سيمفونية حب.. اقترب هانى واخبرنى بحزن ان نواره نجم ابنه الاستاذ احمد فؤاد نجم نجم تقف بالخارج والامن يمنعها من الدخول .. وحاولنا ان نخبر الكشافة الكنسية ان الاستاذة نواره تريد ان تدخل ولكنها لم تستطع ان تدخل .

اصرت الكشافة ان تأخذ بطاقات هويتهم لتسمح لهم بالحضور ودخلوا الاحتفال ووقفت انا بالخارج احاول ان استيقظ من الحلم فطالما ما حلمت ان ارى والمس الحب متجسدا وصليت الى الله ان يكون هذا حقيقياً.

تحدثت مع هانى وعلى الرغم من اننى عرفت ان الحزن يعتصر قلبه لموت ابرياء بدون ذنب إلا انه حاول ان يتحدث بلباقة معى حتى لايزيد الامور سوءً .. قال لى ان الكنائس تحولت الى سفارات الامن المركزى والتفتيش والانذار والكاميرات .. ثم صمت ونظر الى ونظر الى العربات المرصوصة فى الشارع وسألنى ياترى فيها ايه العربيات دى؟ .. كنت اعرف انه غير خائف من الموت ولكنه يخشى موت مزيد من الابرياء ..

كان يأتى على بالى دائما مشهد الموت واتخيل نفسى اشلاء فى ارجاء الكنيسة .. ثم اعود من الخيال بتلال من الاسئلة ؟ .. هل فعلت بحياتى ما يرضينى ام عشت ممسحه للأخرين؟ .. هل احببت حتى الموت ام اننى عشت على الهامش؟ .. هل ظلمت احدا عن قصد او عن غير قصد؟ .. هل كنت حقيقية وواضحة ومفهومة ام اننى لم اجد الوسائل الكافية لأعبر بها عن نفسى؟ .. هل كانت حياتى ايجابية واحدثت تغيير مفيد ام ان وجودى كان زى عدمه؟ .. هل قمت باختيارات غبية ام ان اختياراتى كانت على قدر حجم معلوماتى؟ .. ماذا سأغير فى نفسى وفى مواقفى اذا عدت للبداية فى 8مارس 1986 ؟.

كان يمر امامى كل حين واخر اصدقاء من الكنيسة يهنؤننى بالعيد ولكننى كنت اصلى ان لا يحدث مكروه لهم .. قضينا حوالى 4 ساعات احتفالاً بالميلاد ثم خرج اصدقائى ووجدت نفسى انهال عليهم بالقبلات وذهبنا للبوابة الرئيسية وودعتهم وعدت الى الكنيسة ووجدت الدموع تنهمر من عينى وشعرت بالم كل ام واخت واب فقدوا عزيز سواء ابن او ابنه او ام خلال ايام وبكيت على الاسكندرية المدينة الشهيدة ونظرت الى المغارة الموضوعه وبداخلها تماثيل المسيح الطفل والعذراء والمجوس وسألت المسيح .. لما جئت ؟ لما جئت وعشت وسط قلوب قاسية لا تعرف الحب ولكن التمثال لم يجيبنى ..

صليت لأروى ان يحفظها الرب من كل سوء والى مصعب ومحمد التهامى واسماء وحسناء والى ماريان ناجى وعزة مغازى والى اسرتى واصدقائى والى نادين ابوشادى ان يعطيهم الرب قوة والى هانى جورج واحمد القمحاوى وبولا ماجد وشريف عبد العزيز وصفاء ان يخلق امثالهم كثيرين ولنواره نجم ان يباركها الرب.

فى خروجى وجدتهم منتظرين فجريت وسلمت على نواره والى صديق معها ودعوتهم لمنزلنا فى شبرا ولكن الوقت كان تأخر .. وقفنا واخذنا صورة تذكارية نضعها فى قلوبنا لنذكر انفسنا بحب هؤلاء القديسين الذين احبوا جدا.

خلاص يا عادل هركب اتوبيسات

2011-01-03T10:35:00.002+02:00

اتابع السينما باهتمام شديد خاصة الافلام التى تناقش قضايا مثل التحرش الجنسى ..
اعجبنى فيلم 678 لأنه جرئ ولا يجنى على احد ولكنه يشرح التناقضات والمفاهيم الخاطئة المنتشره فى المجتمع .ولكننى لم اشعر فيه بدفئ الافلام وشعرت اننى اشاهد الاخبار التلفيزيونية وهى تذيع حوادث تحرش مختلفة.

من اكثر الشخصيات التى اثارت اعجابى هى شخصية الظابط . مازلت لم اقتنع ب بشرى كممثلة ولا ب نيللى كريم . هناك من كان يجيد اتقان الدور اكثر من ذلك.

احداث الفيلم لم يكن لها تفسير منطقى مثل موت زوجة الضابط وتغيير موقف الام وطلب الطلاق من احمد الفيشاوى وتغيير موقف الخطيب وغيرها.

الموسيقى اعجبتنى وخاصة اغنية بشرى فى نهاية الفيلم. والتصوير كان جيد على الرغم من ان مشاهد كثيره كانت غامضة.

احترم المخرج بشده لأنه اخرج عملاً كهذا ولكننى اعتقد ان السيناريو كان من الممكن ان يكتب بطريقة افضل وان تكون حاله واحده مسيطره على الاحداث.

فى النهاية اريد ان اطرح 3 اسئلة وهم :-

1- اين البداية والوسط والنهاية فى الفيلم ؟.
2- هل تعتقد ان الفيلم يثير العنف ؟.
3- هل قدم الفيلم حلولاً عملية؟

واستغفر الله العظيم !!

حكاية الحصان

2010-12-17T19:27:00.002+02:00

نعيم .. اسمه .. نعيم

نعيم حصان ابيضx بنى وذيله ذهبى

ساعات نعيم بيسافر بلاد بعيده ويشتاق لاصحابه وعيلته

نعيم مطمن لأنه بيحبهم وأى شر هيحصلهم مش هيصيب قلبهم

عشان هم طيبين ذيه

نعيم بيحب الفجر ودايما يصحى ويجرى وهو فرحان

نعيم بيحب يشوف اماكن جديده .. مره نعيم خرج وتاه .. بس مكانش خايف .. عشان هو فى امان ومطمن .. قال فى نفسه .. لو حياتى انتهت هنا انا سعيد .. عشان عمرى مأزيت حد .. وامبارح شفت الصياد هيقتل العصافير ورفسته .. انا مش خايف ..

فضل ماشى .. ماشى .. فضل ماشى 3 ايام

نعيم مكانش يائس

عشان عارف ان الخير موجود

والطريق موجود

والقمر موجود

نعيم كان نفسه يعمل رحله ميعرفش نهايتها من زمان

ويستمتع عشان بقى عارف كل الاماكن

وكل الاشكال بقت عاديه ...

فجأة وهو بيفكر لقى نفسه فوق هضبة جبل

شاف كل الناس صغيرة وكان قريب من السما

وشاف البحيره اللى بيجرى عندها كل يوم

نسى كل الرحلة الصعبه وقعد يغنى ويرقص

عرف بيته من فوق

ورجع حكى لكل اصحابه على رحلته

وعلمهم ان دايما المجهول بيخوف بس هو لذيذ قوى

وان القلوب اللى بتحب عمر ما حاجه هتجرحها

وكمل غنى وجرى ..

ندا وعلى

2010-11-29T17:05:00.003+02:00

كُنْ جَميلًا تَرَ الوجُودَ جَميلًا
إيليا أبو ماضي

الفترة اللى جاية هى فترة شقاوة ندا وعلى
اعملهم ايه بيحبوا بعض من زمان

هما الاتنين بيعزفوا عود ورق وناى
العيال عايزين يتجوزا

طب تعالى ننزل نجبلهم دبلتين
تصدق انا قلبى بيرقص

ما انا عارفة حكايتهم
من ساعة المكالمات اللى مخلصة على مصروف البيت

قوم البس بقى
خلى العيال تفرح

هو احنا هنبقى مبسوطين وهما
متنكدين كده ومبيكلموش بعض

يلا قوم والنبى يا رشدى
قوم بقى

يضحك رشدى ضحكة مكتومة ويخبى وشه بالجرنان
ويقوم يلبس

!!

فى عيادتى بالدقى 3

2010-11-25T17:53:00.002+02:00

قررت ان اسافر الى لبنان وحجزت تذكرة طيران ذهاب فقط .. قابلت على الطائرة شاب اراد ان يتزوجنى وفاللحظة التى نظرت الى عينيه عرفت انه صادق ولكننى لست فى وقت او عمر يسمح لى بالمغامرات .. لا اتذكر كيف مر الوقت بعدها ولكننى لن انسى وجه هذا الرجل .. فى الحقيقة فأن هذا الرجل جعلنى اقص له حكايتى وروايتى بتفاصيلها والعجيب انه لم يلومنى ولم يأنبنى على اى فعل .. انا لا أومن بالمعجزات او الصدف .. ولكن هذا الرجل جعلنى اشعر بأننى قديسه .. واننى طفله صغيرة خارجة لتوها من حمام دافئ .

وصلت للمدينة الجميلة بيروت .. اللبنانيين يعرفون بالضبط كيف يستمتعون بحياتهم .. متفوقون فنياً بطريقة مبهرة .. تحب ان تسير فى الشوارع ليلاً ونهاراً .. تشعر بأنك جزء من الكون .. بل انت الكون نفسك .. قضيت فى المدينه 3 اشهر .. عرفت اصدقاء كثيرون وعرفت نفسى كما لم اعرفها من قبل .. وجدت بداخلى عشق للناى والعود .. ميل للجبال والاماكن المرتفعه التى كنت اخشاها .. وجدت هدوءً لم اختبره من قبل ..

كانت الاوقات هادئة الى ان وجدت الشرطة تطرق بابى يوماً وفى لحظات تحولت اللحظات الهادئة الى اسئلة واجوبه وتحقيقات وانتقالات ومحاضر ووجدت نفسى ابكى كالاطفال .. فالطفلة المجتهدة التى حققت نجاحات عظيمه فى حياتها واجتهدت الا تفشل ولتبقى فى امان استيقظت بداخلى وصرخت بأعلى صوت .

القضية كانت تدور حول ان احد مرضاى توفى بجرعه زائدة من الكوكايين وكان هو نفس الشخص الذى هاجر لأحد بلاد النفط وترك حبيبته ليؤسس حياه جديدة .

رجعت الى القاهرة لأستكمال التحقيقات وتركت قلبى فى لبنان .. كنت اعمل كالماكينه وأحذ ضعف عدد الكشوفات التى كنت أخذها .. كنت عقل وجسد وقلم وروشته .. شجعنى اصدقائى على استكمال بحث كنت بدأتة ومناقشته فى الجامعه .. انهيت البحث وبدأت فى اخر وناقشته وازداد عدد روادى و سافرت الى 3 دول اوروبيه و5 دول عربيه القى محاضراتى .

ازدهرت حياتى العمليه واصبحت لا تشكل عبئاً على .. وجدت لدى مواهب كثيرة .. واكتشفت ان اخطائنا تدفعنا للأمام .. منذ فتره كنت قررت اننى لن اعود للقاهره واننى سأغير مجال الطب النفسى ولكننى ادرك الان بكل كيانى انه مجالى المناسب .. كنت اشعر بالذنب لأننى ساعدت شخصاً مدمناً ودمرت الطرف الاخر وهى الانسانه التى تحبه بكل كيانها .. كنت قررت الا اسامح نفسى وها انا اتعرف عليها بشكل جديد ..

الحياه ما بتبخل عنا بشى !!

ديسمبر 1989

فاكر الرهان السخيف

2010-10-23T17:32:00.002+02:00

فيروز نزلت شريط جديد .. وانا اللى كسبت الرهان ..
فاكر لما قولتلى انها مش هتغنى تانى ..
قولتلك انا مقتنعه انك بتفكر كويس .. بس انا حاسه انها هتغنى تانى ..
وعدت الايام .. وفضلت هى تغنى .. وحبنا خلص ..
ايه فى امل .. فيروز 2010 ..
ازاى انا كنت صغيرة كده .. ومفهمتش انك مش قد اللى بتقوله ..
الفرق اللى حصل انى امنت بيك وصدقتك ..
وانت فضلت تكذب وتكذب .. وكل الناس سبتك .. عشان مفيش حد كده
يا حرام على اللى بيجرالك ..
متأخر فهمت انك وحيد قوى ..
ما انت اللى كنت عايز تعجبهم .. وعمرك ما عملت اللى يعجبك انت ..

الله كبير .. متهيألى دى احلى اغنيات الشريط ..
تذكر شو كنت تقلى .. مهما يصير ..
انتظرينى وضلك صلى .. الله كبير ..

كانت ايام حلوه قوى .. تعرف انى عايزة اشكرك عالايام الحلوة دى ..
بذمتك انا فى زيى .. بس خلاص الغلطة عندى بفورة ..
انا سميت بنتى يارا .. زى ما كنا متفقين .. ودخلتها معهد الموسيقى ..
هى كمان بتحب فيروز .. شوف البت ..
بقت تتكلم عن الحب المفعوصة ..

ذاكر .. قدى قلتلى هالعمر انه قصير ..
وانه انا ما فى مثلى ..
وحبى اخير ..

ربنا يخليكى لينا يا ست فيروز انت وكل الرحبانية ...

طربيزتى الساقعة جدا

2010-10-17T01:10:00.004+02:00

طبعا الوقت اللى بقضية بليل ده الوقت بتاعى .. المهم كان فى واحد من بدرى قاعد فى المكان اللى انا متعودة اروحه كل يوم .. وعالطربيزة اللى انا بحبها .. علشان نصها شمس و نصها ضل .. اتنكدت قوى بصراحة .. بس مش دى القصة .. القصة انه كان شكلة رزل قوى وبيستعبط بقى .. قال يعنى مش عارف ان الطربيزة دى بتاعتى .. وعامل فيها مهم .. واللى جاب اخرى معاه انه كان عايز ياخد كرسى من قدامى علشان يحط علية اللاب توب بتاعة.. وانا قلتله لأ .. انت مش شايف ان انا حاطة علية رجليا .. وهزيت راسى بلأ و مهمنيش .. وهو كشر قوى و مقليش ولا كلمة .. انا قلت بصوت واطى .. بارررررررررررررررد.
قعدت مركزة فى الاسئلة اللى ممكن اتسألها فى الانترفيو .. اصل تانى يوم كان عندى انترفيو فى شغل جديد ..
ظبط الظبابيط وروحت نمت ..
اصحى تانى يوم واروح الانترفيو .. الاقى صاحبك قدامى ..

اول ما شفتة .. قولتلة بكل ثقة ..
والله ما انت قايل حاجة .. انا ماشية
وفتحت الباب و مشيت ..
يعنى استنى لما اتهزق ..
باااااااااااااااااااااارد

نمط جاريات

2010-10-04T13:01:00.003+02:00

تعتبر بعضهن الحرية هى شرب السجائر واحتساء الخمر واقامة علاقات على قدر المستطاع مثلما يعتقد بعض الذكور بأن الذكورة هى السيطرة على اكبر قدر من الاشياء وامتلاك المرأة او اكبر عدد منهن .

رأيت نساء تسير فى شوارع القاهرة تضحك وتدخن السيجار هللت ومجدت الحرية والمساواه التى دفعت ثمنها المستنيرات اللائى قضين حياتهن فى محاولة اعلاء شأن المرأة ووضعها جنب الى جنب مع الرجل ومازلت اقابل مستنيرات جدد يوماً بعد يوم .

الاحصائيات الاخيرة تشير ان معظم من يدخنون الشيشة هم من النساء واغلبية من يدخنون السجائر هم من العمال تليهم النساء تليهم اطفال الشوارع . فقررت ان ابدأ حوار مع هؤلاء النساء وبالفعل توجهت وسألتهن فوجدت ان مفهومهم عن الحرية يصب فى 3 محاور (الجنس- الالحاد - اليسار)

وبعد جدالات وصلت الى حد الاشتباك قمت بطرح عدة اسئلة :-

- ماذا تعرف هؤلاء النساء عن اجسادهن ؟ من ناحية التركيب البيولوجى والهرمونى ؟ وكم من الثقافة الجنسية لديهم ؟ وما مصدرها ؟
لا شئ تقريباً .

- كم من هؤلاء النساء درست الاديان دراسة اكاديمية ؟ او على الاقل قرأت كل النصوص الدينية بدءاً بالنصوص الفرعونية ؟ او كم منهن قارنت تطور النص الدينى بالحالة الاجتماعية والاقتصادية؟
نسبة بسيطة جداً

- كم من هؤلاء تعرف عن الاحزاب السياسية ؟ نشأتها - اهدافها - مؤسيسيها - تمويلها ؟ او لديها خلفية عن تاريخ مصر ؟
نسبة تكاد لا تذكر

اذا افترضنا ان المرأة هى شاشة كمبيوتر (ابيض واسود) وحدثت ثورة تكنولوجية جديدة جعلت الجميع يشترى شاشات (الوان) بالفعل سنرى الشاشة افضل واكثر وضوحاً وبالفعل بدأت تظهر المرأة بأشكال اجمل واكثر تحرراً .

ولكن هل ستتغير المادة المعروضة ؟
بالطبع لا

لأن المادة المعروضة يتحكم فيها المادة المخزنة على الهارد ديسك .

واقصد هنا بالمادة او بالمعلومات المخزنة هى :-

- الافكار التى تتلقاها المرأة عن نفسها منذ الطفولة وحتى البلوغ .
- التعليم والتربية التى تتلقاها فى المدارس والجامعات .
- المجموعة التى تنتمى اليها من اساتذة واصدقاء وما النظرة التى يتبنون للمرأة .

فيمكنك ان تشاهد فيلماً بالالوان ولكن قصتة قديمة جداً

كانت لى صديقة متحررة وملحدة وتتكلم عن الليبرالية بشكل كبير وتزوجت من كندى وسافرت معه الى كندا والمفاجأة انها اول ما سافرت انتمت الى الاقلية الدينية المتشددة واصبحت ملتزمة ومتعصبة على عكس زوجها الليبرالى المتفتح .

تفسيرى لحالتها انها للم تستطع لن تتأقلم مع متحررين حقيقين .

معظم من يأخذون شكل الليبراليات ويكركرون الشيشة ويتخلون عن بكارتهم وتسيطر عليهم فكرة المتعة الجنسية ويفتقدون للنزاهة ويعتمدون على الحشيش للارتياح النفسى هم فى الحقيقة جاريات .

ليبراليات بنمط جاريات !!

اذا تخيلت انك تشاهد فيلم عن جارية عاشت فى طاعة اسيادها 30 عاماً او اكثر ثم اطلق سراحها فماذا تتوقع نهاية الفيلم ستكون ؟!

فى عيادتى بالدقى 2

2010-09-28T09:28:00.000+03:00

ظلت تتردد على عيادتى لفترة طويلة وفى مرة جاءت ومعاها رجل فى اواخر الثلاثينات قالت انها تعرفت علية فى طريقها الى العيادة .. لم اصدق ما رأيت .. هو يبدو رجل مهم .. وقفت ومددت يدى وسلمت علية .. هو هادئ .. لا يتكلم .. سألته ان ينتظر معها بالخارج لنذهب خلال نصف ساعة نشرب عصير فى النادى المجاور للعيادة .. لم يتكلم وهز رأسة بالايجاب .. له نظرة عمبقة كفنان او كعازف

حاولت خلال حديثنا ان اعرف اكثر المعلومات عنه ولكنه كان كتوم .. واثق بنفسة .. حدثنى انه يعمل فى تسويق ادوات التجميل فى شركة اجنبية لها فروع حول العالم .. وانة كان متزوج منذ خمس سنوات .. وانه ترك زوجتة بعد اكتشف انها تخونة .. مع زميلة فى العمل

لم اسمع منه كلمة بعد .. حركت رأسى مع كل حركات شفتية وكأننى انصت جيدا .. ولكننى هربت للأسباب التى تجعل زوجتة تخونة مع صديقة فى العمل .. وتساءلت عن اسباب صراحتة الفظيعة فى اول لقاء بيننا ..

كنت انظر للفتاه بين جملة .. وانا ارها تضحك بشدة على حديثة .. وتنفعل بكلمات الاعجاب التى يقذفها بها ..

انا غير مرتاحة على الاطلاق .. ترتيب غير منطقى للاعجاب .. ساورتنى شكوك فى اهدافة غير المعلنة .. ماذا يريد منها ؟؟

قاطعتة بصوت مرتفع وقلت : وماذا تريد منها ؟؟

رأيتها تنظر الى بغضب ولكننى لم اهتم وكررت سؤالى

وانت ماذا تريد منها ؟؟

قال اريد ان اعطيها عمل فى الشركة التى اعمل بها لتكون هناك فرصة اكبر للتعارف بيننا ووقت اطول نقضية سويا ..

انت بالكاد عرفتها يا سيدى ..كيف احببتها كل هذا الحب ؟؟؟

قال هو انا لدى خبرة كبيرة بالنساء ولا احتاج لنصائح من احد

ادركت انه يريدها ان تعمل معه بطريقة غير شريفة .. وكانت هى تسعد بكلمات اعجابة التى لم تسمعها لشهور

لا اعرف اذا كانت هى مدركة ام لا

يبدو انه يريد ان يستغلها.. فمعظم شركات الاعلانات تستغل الفتيات بطريقة غير قانونية

ولا اعرف هذه المرة كيف سينتهى بها الامر

اختفت وغابت 6 اسابيع عن عيادتى و ذهبت لزيارتها فى المنزل وانا فى الغالب لا ازور المرضى فى بيوتهم ولكننى شعرت ان احتياجها لاسترجاع ثقتها بنفسها يدفعها ان تقبل بأى شئ .. واحضرت معى بورترية لأمرأة تفك اغلال تقيدها ..

اعجبها جدا وقضت اكثر من ربع ساعة تحدق فية وهى تسألنى عن الرسام وعن الالوان المستخدمة والخلفية والزمن والطريقة ...

سألتها عن اخبارها وحياتها و عملها وسبب اختفائها المفاجئ ؟؟

قالت لى فى هدوء ان نهم بالنزول لانها لم تعد ترتاح فى المنزل وبالفعل نزلنا وجلسنا فى مكان كنت اول مرة اذهب الية وكانت تبدو معروفة هناك ولكننى لم ارتاح نفسيا للمكان ورأيت فية نساء ترتمى فى احضان رجال و رجال ترقص وفرق تغنى اغانى قبيحة

- منذ متى وانتى تأتى الى هنا

- اكثر من شهر

- كيف حال صاحب شركة الاعلانات

- هو ليس صاحبها هو فقط يعمل بها

- هل تحبين العمل الذى اعطاه لكى

- لا يجب ان نعمل ما نحب .. يجب ان لا نضيع الفرص

- انت تجدين الفلسفة

- انا درست فلسفة يا دكتورة

- وما هى طبيعة عملك

- انا مازلت متدربة

- بمعنى ؟

- احاول ان ارى فتيات البارات كيف يبدون مثيرات واقلدهم

- وما علاقة البارات بالاعلانات بادوات التجميل؟

- علاقة ليبرالية

- اصبحت تتحدثين فى السياسة

- الهوا اللى بنتنفسوا سياسة يا دكتورة

لا اعرف ماذا حدث فى الاسابيع الماضية ولكنها اصبحت غامضة ولا تريد ان تعطى معلومات كاملة

كنت اعرف ان كل الحاضرين لديهم اعتقادات و تنبؤات لهذه الفتاه .. و ينظرون ويحلمون بليلة بين احضانها . ولكننى كنت اعرف ما لم يعرفوة .. كنت اعرف الاسباب .. كنت اراها كالعذراء .. او كالقديسات .. اراها ضحية .. ضحية شاب لم يقدر قيمة تضحياتها من اجلة

فتحت موضوع غريب بالنسة لى .. ولا اعرف لماذا تحدثت معها فى هذا الموضوع ..

كان يزور عيادتى منذ فترة .. شاب رقيق وحساس .. حتى انه يقشعر جسدة عندما يسلم على باليد .. كان يعانى من قسوة ابية فى الصغر وتربيتة القاسية جلبت لة شعور دائم بأنة صغير وغير مؤهل واحساس بالنقص وعدم الفاعلية لازمة طوال حياتة و زاد عندما تركته فتاه عرفت انه كان يكذب فى كل شئ .. فى تاريخة .. وفى عملة .. وعن عائلتة .. وعن هواياتة ومعتقداتة .. و يبرر كذبة بأنة يتجمل .. ونجح فى أبهارها بالحديث الدائم عن الفتيات الذى عرفها او بالطبع الفتيات الائى تمنى ان يعرفها .. وتركتة بعد ان اخبرها صديق لة بالحقيقة الكاملة

بدأت رحلة العلاج معه بأشياء صغيرة ككتابة خطاب الى حبيبتة ... او عدة ابيات شعر .. و كبناء مدينة متكاملة ووضعها على ماكيت صغير .. وكتشجير الحى الذى يسكن به .. وكتقديم شكوى رسمية فى احد زملائة المستغلين له فى العمل .. وبعد 40 جلسة وبتشجيع من اصدقائى .. اصبح انسان فعال

فى اخر جلسة بيننا اخبرتة اننى اريد ان اعرفة الى فتاه جميلة

قلت لها اننى اريد ان اعرفها بشاب رأك فى العيادة واعجب بك .. هو لم يراها بالفعل ولكننى كذبت وشعرت بأننى يجب ان انقذها الان .. لاننى ربما لا استطيع بعد اسبوع اخر .. لم تميل هى الى حديثى هذه المرة ولكننى اقنعتها انها تجربة جديدة فى كل الاحوال ولقاء واحد لن تجعلها تخسر شىء

اخبرتنى انها ستأتى فصاحب العمل فى الشركة قلل اهتمامه بها بعد ان رفضت حضور حفلة اقامها فى منزلة

بعد يومانن حضرت الى عيادتى و كان هو بانتظارها وذهبت معهم فى 3 لقاءات ثم تجنبت الحضور .. لأننى وجدتة مهتم بها ووجدتها تفاتحنى فى ترك العمل فى شركة ادوات التجميل

كنت اتابع تطوراتهم بالتليفون وكانت احيانا تنقطع اخبارهم عنى فأدعوهم للعشاء فى منزلى.. تلقيت دعوة فرح بعد حوالى سنة من اول لقاء بينهم .. وكان اسمة واسمها بها .. سافرت بعدها لحضور مؤتمر طبى ببرلين ولم استطع حضور مراسم الزواج .. ولكننى عرفت انهم سيجلبون السعادة لبعضهم

فى زيارتى لأحدى قريباتى فى المعادى وجدتها تفتح باب شقة بالعمارة .. لم اعرف انها سكنت فى المعادى وانها تسكن فى الطابق الثانى فى نفس المبنى الذى تسكن فية قريباتى .. وجدت فى وجهها اثار جروح وكدمات.. دخلت الى الشقة وجدت زجاج كثير على الارض .. وجدت النجفة بجوار شاشة التلفاز على الارض .. سألتها عما حدث

بكت لمدة 3 ساعات .. وبكيت معها .. كسرت قاعدة وتورط مع مريض نفسى بعواطفى ..

اخبرتنى انه بدأ يتحول عن الانسان الذى عرفتة منذ ان دخل كشريك ضخم فى مشروع العقارات ولم يدرس المشروع دراسة كافية وخسر فية مبالغ طائلة وانه منذ ذلك الحين يعاملها بقسوة ويحملها اسباب فشلة ويسبها ويعاقبها بالضرب وبالحبس

كما اخبرتنى انه يعذبها وانها ابلغت الشرطة عدة مرات وانه سافر فى الصباح الى دمشق وانه سيعود بعد 3 ايام وانه يرفض ان يطلقها ...

وانها ستهرب الى الاسكندرية لتقضى باقى فترة الحمل ع اقربائها هناك

- حامل

- فى الشهر السادس

كنت هذه المرة انا الجانى .. انا من وثقت بمريض نفسى .. كسرت قاعدة فى الطب النفسى .. وتورطت مع مريض بعواطفى .. ولن اسامح نفسى ابدا

فى عيادتى بالدقى

2010-09-16T14:32:00.002+03:00

شقتى ترى جزء من النيل وهذا ما احبة بها .. بها ريسبشن كبير يجلس فية المرضى ومكتب صغير لعم جمال السكرتير وتليفزيون ومروحة .. منذ 3 سنوات كنت اعيش هنا ولكننى حولت الشقة الى عيادة بعد وفاة والدتى لأن كل ركن هنا يذكرنى بها.. قمت بتأجير غرفتان لطبيب اسنان حتى استطيع ان اتحمل نفقات الايجار.

معظم من يأتون لعيادتى النفسية هم من الاغنياء اللذين قضوا عمرهم كلة فى جمع المال وتكوين ثورة تعطيهم احساساً بالامان ثم ادركوا ان المال لا يجلب السعادة ولا يعطى الامان .. والنصف الاخر منهم من النساء اللائى يخن ازواجهم ويشعرون بذنب عميق لذلك .

كانت ثالث مرة اراة بالعيادة وكان دائم الضحك وواسع العلم ويسهل التعامل معه ويتحدث مع كل الزائرين ويفتح حديث شيق معهم ..
دخل الى عيادتى ومعة ثلاثة كتب وضعهم على المكتب ووضع مفاتيح سيارتة وعلبة السجائر وتليفونة على الطاولة امامة واظهرت له ترحيب واعتذرت لة لعدم مقابلتة اليومين السابقين بسبب ظروف العمل.

بدء كلامة بالشكر وبدا يعرفنى بنفسة واسرتة ولم تفارق الابتسامة وجهة ولو دقيقة .

- انا بحبها اوى يا دكتورة
- حد قالك ان ده مكتب استشارات زوجية دى عيادة نفسية يا استاذ .
- ارجوكى يا دكتورة اسمعينى وحسى بيا .. انا مش قادر اعيش من غيرها انا بحبها قوى .. انا هموت لو هى سابتنى .
- يا استاذ انا مقدرش اعمل حاجة انا متخصصة فى امور تانية ، لو سمحت متضيعش وقتى ووقتك وخد الكشف من عم جمال وانت خارج .
- يادكتورة انا مش عايز منك غير انك تكلميها تقوليلها قد اية انا بحبها .
- يا استاذ ممكن اى حد يعمل كدة . ارجوك امشى .. انا مش فاضية لشغل العيال ده .
- دكتورة .. لأ ده مش شغل عيال .. انا هموت نفسى لو سبتنى .. انا محتاج لمساعدة حضرتك ارجوكى ساعدينى ..انا بحبها .. بحبها قوى .. بدأ فى البكاء وكرر الجملة اكثر من مرة .. ارجوكى ساعدينى .. انا بحبها قوى .. ارجوكى ساعدينى .. انا بحبها قوى .
- انا مش عارفة اقول اية ..
- ارجوكى يا دكتورة .. انا مستعد ادفع ضعف الفلوس .
- يا استاذ المسألة مش مسألة فلوس .. على اية حال .. اتفضل مناديل .. انا لازم اشوفها .. ممكن تتفضلوا انتو الاتنين عندى الاسبوع اللى جاى زى انهاردة الساعة خمسة .
- شكرا يا دكتورة .. انا كنت عارف انك مش هتكسفينى .
- العفو يا استاذ على اية .. مع السلامة .

بعد مرور اسبوع عاد هو وهى وطلبت منه ان ينتظر بالخارج وحاولت ان اخبرها بما حدث وافهم منها لماذا هى تريد ان تتركة ؟

اخبرتنى انها لا تريد ان تتركة ولكنة مقتنع انه لا يستحق حبها.. وقالت انه يزيد فى شراء هدايا ويصحبنى للخارج كل يوم .. واخبرتنى انه مدمن لمخدر الحشيش وانه غير واثق بنفسة وغير واثق بها هى ايضا وانه يؤجل اعلان ارتباطهم لأجل غير مسمى .. وانه اعتاد ان يتصل بها طوال اليوم .. ويحدثها طوال الليل .. ويبكى كالاطفال عندما يحدث خلاف بينهم .

شكرتها على صراحتها وسألتها بعض الاسئلة الاخرى عن علاقاتهم واتفقنا على الميعاد القادم فى العيادة .

طلبت من عم جمال ان يستأذنة فى الدخول .

دخل ولم يرد ان يجلس على الكرسى .. جلس على السجاد وظل مدة ساعة او ساعتين يبكى ويقول " انا احبها .. لا اريدها ان تتركنى" ويكررها مرة تلو الاخرى .. وانا احاول ان اجعلة يهدأ واخبرة انها لا تريد ان تتركة .

فى النهاية توقف عن البكاء وسألتة ان يقوم بملأ استمارة اسأل فيها المريض عن تاريخة النفسى بالكامل .. عن سنة وعملة وهواياتة وايضا اسألة عن الادوية التى يأخذها وهل هى بأستشارة طبيب ام لا واسأل عن عملة وطبيعة النشأة والعلاقات فى اسرتة .. وتوقف هو عند سؤال الادوية التى اعتدت ان تأخذها ؟.. واخبرنى انة يتعاطى كبسولات مخدرة تشعرة بالاثارة والبهجة فى المناسبات واخرى تجعل تركيزة يتضاعف فى اوقات العمل الصعبة.

سألتة ان يكتب الاسماء بالضبط حتى اتمكن من الالمام بكل المعلومات .
ذهب وحددنا ميعاد الجلسة القادمة

بعد ثلاث جلسات تحدثنا نحن الثلاث فيها انا وهو وصديقتة اخبرته اننى اريد ان تكون الجلسات معه فردية. وانه يمكنه ان يأتى بمفردة.

بعد حوالى 12 جلسه معه اخبرنى عن ادمانة واتفقنا على العلاج واخبرتة عن اخرين كانوا يعانوا من الادمان وتعافوا منه .. واتصلت بصديقتة وطلبت منها القدوم .. واعلمها هو بقراره .. ولأول مرة ارى هذة المرأة تبكى .. فكانت تبدو لى امرأة قوية بلا دموع .. وأ مسكت يده نحو قلبها ثم قبلتها وقبلت رأسة ووضعت رأسة فى حضنها واعطتة سلسلة كانت فى رقبتها ووعدتة انها ستنتظرة ولن تفكر فى شئ إلا هو .. وانه حب حياتها ورجلها الوحيد .

اتصلت بأصدقاء لى وفى اليوم التالى دبرنا دخولة مصحة تأهيل وعلاج المدمنين .

خرج بعد ان قضى فى المصحة حوالى 13 شهراً .

زارنى فى العيادة بعد ان كنت قد نسيت ملامحة ولكننى تذكرت ابتسامتة العريضة .. جلب لى هدايا كثيرة .. واخبرنى انه اصبح انسان جديد .. سألتة عن عملة واصدقاءة وكيف تسير الاحوال بينة وبين حبيبتة .. اخبرنى انه لم يعد يريد ان يكون معها بعد الآن وانه اخبرها بذلك .. كما اخبرنى انة سيسافر غدا الى احدى دول الخليج وانة جاء ليودعنى قبل سفرة .

سافر هو ولم اراه منذ خمس سنوات .. وهى اصبحت زائرة دائمة فى العيادة .. وسؤالها الدائم ..

هل هو لم يحبنى من البداية ؟ .. هل هو لم يحبنى من البداية ؟ .. هل هو لم يحبنى من البداية ؟ .. هل هو لم يحبنى من البداية ؟ ..

التكوين

2010-08-16T20:05:00.000+02:00

في البدء كنت رجلا.. وامرأة.. وشجرة.
كنتُ أباً وابنا.. وروحاً قدُسا.
كنتُ الصباحَ.. والمسا..
والحدقة الثابتة المدورة.
… … …
وكان عرشي حجراً على ضفاف النهر
وكانت الشياه..
ترعى، وكان النحلُ حول الزهرُ..
يطنُّ والإوزُّ يطفو في بحيرة السكون،
والحياة..
تنبضُ - كالطاحونة البعيدة!
حين رأيت أن كل ما أراه
لا ينقذُ القلبَ من الملل!

امل دنقل

الافضل

2010-04-03T00:13:00.000+02:00

نزلت فى الشواع المزدحمة .. اخرجت تليفونى .. اجريت 3 مكالمات اخرهم كانت حبيبتى .. كنت معها بالامس ولكنى اشتقت لها فى الصباح .. كنت فى الطريق لأسلم كتابى السابع لدار النشر .. اصرت ان ترانى قبل ان اسلم الكتاب .. ذهبت فى الاتجاة العكسى ووصلت قبلها و جلست انتظرها لأكثر من ساعة وربع .. لم تغب عن تفكيرى للحظة .. تسكن كيانى كلماتها وملامحها و اشكال ضحكاتها ..

ظهرت هى ترتدى شنطتها البرتقالى و نظارتها الحمراء و تضع فى اذنيها قرط اسود اللون يزيد من جمالها جمال .. وضعت شنطتها على الطرابيزة و نظرت فى عينى و غضت على شفتيها السفلى .. اخذت انا دور جد قوى .. بس لما ضحكت مقدرتش اكمل تمثيل ..

قمت و بوست ايديها الاتنين واخدتها فى حضنى وقت طويل وقولتلها بتوحشينى يا بنت الاية .. طلبنا اتنين قهوة و شافت الكتاب و قعدت تقرا كلمة كلمة و تدقق فى المعانى و الشرح و نتناقش و تكمل و تضحك و تقلدنى .. وصلت لنهاية الكتاب و لم تعجبها الخاتمة .. وقرأتها اكثر من مرة ولكن الفصل الاخير والخاتمة كانوا بعيد عن توقعاتها فربما اصابها هذا بالاحباط ولكن انا برضة لازم اكتب اللى انا شايفة مش اللى انتى شايفاة .. انا قلت .. و بعدين انا بسيبك تعملى اللى انتى عايزاة .. اكملت شرب القهوة و شعرت انها لم ولن تسمع اى كلمة مهما قلت .. نظرت الى اوراقى و جمعتها .. الكاتب يرى كتبة كأولادة .. حاولت ان امسك بيدها فسحبت يدها بسرعة .. قولتلها بصوت عالى .. يا ستى دى حريتى .. انا حر اكتب اللى انا عايزة انتى مين عشان تقوليلى أه ولا لأ ..

قالتلى اشربها باردة .. وقامت .. و بعد مرور حوالى ساعتين ادركت ان فى النمو يتغير كل شئ .. شكل الوجة .. اليدين .. نبرة الصوت .. اتجاة التفكير .. تتعقد الامور البسيطة وتصبح متاهات .. فى النمو تصعد سلم لا تعرف اين نهايتة .. سلم تبنية بنفسك .. تريد ان تختار الافضل فى عالم كلة خناقات .. تهرب مع مقطوعة موسيقية ولا بيت شعر .. و يقتلك اقرب الناس ليك ..

طب لو انا سبت الناس دى كلها هعيش لمين .. انا بحبها و بحبكم بس انا حر وانا اللى لازم اختار .. يمكن لو عشت مع نفسى ارتاح .. بس ساعتها هتقل الاختيارات ..

طب اللوم والعتاب .. انا أتأخرت ولازم امشى

ممكن الحساب

على اوتارك اعزف

2010-03-06T23:48:00.004+02:00

مسكت ايدة وقعدنا نرقص .. اتمايل انا على يمينة ويقترب هو ليقبلنى .. ابتعد عنة واكمل رقصتى .. تحرك مشاعرى الموسيقى وتحرك جسدى و كيانى .. كم تمنيت ان اكون راقصة لأن الضحكة لا تفارق وجهى عندما ارقص .. يغمرنى شعور باندماج مع الكون وبالتمحور مع الكواكب حول الشمس ..

الناى يقتل انانيتى .. اذهب الية و امسك يده واضعها حول رقبتى .. يميل هو على ويقلبنى .. تنهار اخر ارادة حرة فى .. اصبح اسيرة عيناه .. يستعبدنى .. يمسك بيدى ويضعها حول ظهرة .. تغيب الطبلة ويظهر صوت عذب يضمنى هو الى صدرة فى وحشية .

للرجل اوتار يجب العزف عليها فى خفة و ذكاء .. اقبل كف يدة .. اشعر بالعرق يظهر على وجنتة .. اتركة و اذهب لارفع الصوت لاعلى درجة .. ادفعة للكنبة امامى .. ارقص حتى تنقطع انفاسى من الحركة .. اذهب واسألة .. مالك ؟ .. لايجيب

يقوم من مكانة يأتى و يحتضنى وانا اغير الاسطوانة .. اشعر بسخونة تسير فى كيانى .. افتح الشباك و ارى القمر مكتمل .. اضم يدية على صدرى و المس بخدى ذقنة ويقرب هو ويقبل أذنى .. اضحك وانظر للارض .. اشعر بقلبة ينتفض من مكانة ..

انا احب اعترف ان البرأة منفعتش المرة دى !!

ارقص عارية

2010-02-27T04:12:00.004+02:00

يوم حزين من ايام الشتاء ،
تبدو غير واثقة من نفسها ،
تحدثت عن نفسها بالخير وعن الاخرين بالشر ،
استماتت فى اقناعى بأخطائى ،
جعلت منى فرشاة ،
لمعت بها نفسها ،
اريد ان اضع تعريف جديد للعنف .

المس الهواء،
اداعب النسمات،
اخرج لسانى ،
احكى لهم قصصى .

امسك بالقلم ،
يدخل هو،
اغضب،
يحاول ان يجعلنى شئ يستمتع به ،
ارفض ان اتخلى عن نفسى،

انظر حولى،
المسرح خال،
لا يوجد احداً هنا،
هدوء وصمت وظلام ،

اخلع ملابسى و ارقص عارية .

حادثتين تحرش فى يوم واحد

2010-02-23T18:26:00.004+02:00

الاولى : فى الزمالك .. انا و ثلاث صديقات ..
وصف المتحرش : رجل يرتدى قميص ابيض .. له ذقن خفيفة .. يرتدى بنطلون زيتى ..
هى : فتاه فى الواحد و العشرون .. تسير امامى .. صحفية .. متحجبة ومتوسطة الحجم ..

جاء هو من ورائها ووقف بينى وبينها .. اعتقدته هى انا .. لانة كان قريب جدا منها .. لم تتوقع ان يقترب منها احدهم لهذة المسافة .. لمس اسفل ظهرها و جرى .. تفاجأت هى و نظرت للخلف .. لم افهم انه جاء ورائها ليتحرش بها .. ولكن فهمت من نظرتها ماذا حدث .. جريت وراه .. وكانت دماغى مشلولة وايديا بتترعش و سامعة دقات قلبى فى كل حتة فى جسمى .. رفعت ايدى و نزلت على قفاة ...

حتة قفا .. انا مش عارفة انا جبت القوة دى منين .. بعدها قالى بالحرف " انتى فى اية؟" .. قولتلة " اية اللى انت عملتة ده يا ابن الكلب؟" .. لقيت واحدة ست كبيرة من ورايا بتأيد موقفى و قعدت تشتم فية هى كمان و تقول يستاهل .

رجعت للبنت لقيتها لسة متخشبة فى مكانها .. البنت بتحس بعد التحرش بعدم قيمة جسمها وبتقرف من اللى حصل وفى بنات بتدخل فى حالات اكتئاب وتقعد تعيط .. بس كلهم بيحسوا بظلم عميق و قلة قيمة وعدم الامان ..

انا كنت فاكرة ان انا مكنتش قادرة اخد نفسى .. ودار بنا احنا الاربعة كلام كتير انا مش فاكرة منه كلمة .. كان فى دماغى .. ان ممكن ده كان يحصل مع امى و لا اختى و يتعرضوا لنفس الموقف ..

اتحركنا عشان نركب .. انا فعلا مش فاكرة طول الوقت دة كنا بنقول اية .. بس هو اكيد كلام كويس .. البنتين اللى كانوا معانا كانوا سلبيين و معملوش حاجة و لا ليهم رأى فى حاجة ..

التانية :

كل و احد راح على بيتة .. فى الشارع اللى قبل بتنا .. واحد واقف بين عربيتين .. طبعا فاتح البنطلون .. بيعرض على كل واحدة معدية اعضائة التناسلية .. المشهد ده شافتة بنات كتير وانا كمان شفتة كتير وسكت ..

انا كنت بتكلم فى الموبايل .. ومن على مسافة وانا حاسة انا الوقفة دى وراها حاجة زبالة .. كان فى ورايا سنترال .. كنت عديتة بمسافة بسيطة .. بعد ما شفتة .. فقلت الموبايل و نديت على صاحب السنترال .. مسمعنيش .. بس الناس اللى واقفة تتكلم سابوا التليفونات واتجمعوا على صوتى .. بعد فترة صاحب السنترال حس بقلق فى الشارع وخرج من المحل و قعد يتفرج على وانا بزعق و متحركش من مكانة .. دى حاجة تغيظ جدا ان الرجالة مبقاش دمها حامى ..

المتحرش طبعاً خرج من الناحية التانية للعربيات و قفل البنطلون ومشى خطوات سريعة .. انا اتجننت بقى من اللى عامل فيها نضيف ده .. قعدت اقول اسماء معرفش ولا اسم منها .. بس انا كنت عايزة اخوفة ..

يا محمد .. يا مصطفى .. محمد .. بصوت عالى ..كان فى مجموعة شباب كانت واقفة .. واحد فيهم باصلى .. قلتلة امسكلى الراجل دة .. قالة تعالى هنا ..

زعقت " اية اللى بتعملة دة ياوسخ؟"
سألة الولد : انت منين ؟..
قلتلة : ورينى بطاقتك ..
قالى بطاقتى ؟ .
ايوة بطاقتك يا روح امك ..
و المصحف يا بية انا كنت بعمل ميه وهى معدية .. وطلع المحفظة من جيبة و قاله .. والمصحف الشريف ده .. و المحفظة و لا كان فيها مصحف ولا حاجة .. و حياة ابنى .. و شاور على صورة برضة ملهاش وجود فى المحفظة ..

انا كنت فى الوقت ده عايزة اشتم وامسح بكرامتة الارض .. بس لقيت دماغى ممسوحة من الكلام .. فى شوية نقط ... نقط ... نقط ... وكنت عايزة اضربه قلمين بس مكنتش عارفة ابتدى ازاى ..

رفعت ايدى و هو عمال يقول كلمة .. و المصحف والمصحف والمصحف ..

قلتلة يا أخى متخلنيش اضربك ببالقلم ... !! لما قربت ايدى من وحش قفل عينية ودة ادانى قوة اكبر .. كأنة بيقولى اضربى انا وسخ ..

تفيت علية .. ومشيت ..

كانت ركبى بتخبط فى بعضها .. قلبى هيقف .. اما بالنسبة لباقى الاجهزة فأنا مكنتش حاسة بيهم ..

تانى يوم عديت من نفس الشارع و لاول مرة مكنتش خايفة .. انا بقيت شجاعة .. واعرف حاجة واحدة .. ان انا مش هسكت .. مش هسكت عالظلم والاهانة والفساد والمفاهيم الغلط ..

واحدة مبحبهاش !!

2010-02-19T22:55:00.006+02:00

تحدثت الى تليفونيا .. اخبرتنى انها فى الشارع وعايزه نتقابل .. كتمت نفسى وقلتلها وانا كمان وكنت عايزه الموبايل يفصل قبل ما نتفق على المكان او كارت موبايلها يخلص ولا الشبكة تقع بس محصلش وفضل شغال والارسال شديد .. وقالتلى ان معاها واحده صاحبتها وبرضه اللى معاها انا مبحبهاش !! ..

ولبست بسرعه ونزلت بسرعه ونسيت المحفظة واضطريت انى امشى مسافة كبيره مع انى كنت دايما بركب المسافه دى وسألت نفسى .. ليه مثلا منستش الموبايل اهو على الاقل مكناش هنعرف نتقابل علشان سبب مقبول .. دلوقتى انا مش هعرف اخلع منهم وكلها كام دقيقه ويرنولى على الموبايل والاقى نفسى فى وشهم .. اوف .. بكره الرنات جدا والميسد كول لأنها ملهاش معنى .. يعنى انا افهم ايه لما حد يرنلى مثلا ؟؟!!

ما انا ممكن افهم ميت(مائة) حاجه .. يعنى يا اما تتصل يا اما ما تتصلش .. بس احنا عامة شعب بيحب الحلول الوسط اللى هى لا تقدم ولا تأخر !!..

واحدة اشارت لى بيدها .. يبدو انها تعرفنى لم الاحظ نوع السيارة لكن لاحظت لونها .. كانت بيضاء و الفتاه كانت ترتدى احمر وشعرها اسود طويل .. من !! .. من !! ، لماذا لم تتوقف لتقلنى او على الاقل تعرض على ان تقلنى .. ما المفترض ان اشعر به عندما يلوح لى احد من زجاج سيارته ؟؟ ، هل اتقدم وا طلب منه توقيع تذكارى ؟؟ ام اخلع قميصى والوح به اليه ؟؟ .... يبدو ان العالم متواطئ على اليوم ..

دخلت وجلست واخرجت موبايلى ونظرت الى الساعه .. لم اطلب شيئا لانى ليس معى نقود .. اجلس لوحدى وينظر الى 4 فتيات يبدو انهم فى المرحلة الثانويه ، تأتينى مائة فكرة ، هل اطلب شيئا ما لأشربه ؟ ، هل اتصل بها ؟ ، بصراحة انا اتمنى ان تتخلف عن موعدها .. ، مرت خمس دقائق .. بالطبع انا احب ان اجلس بمفردى وبالطبع انا لا احب ان افعل ذلك الان !! .. الامر ليس بكبير انا لست الوحيده الغاضبة الان .. اكيد يجلس على احدى الموائد المجاورة احد غاضب وان لم يكن فى الموائد ففى هذا الشارع او اللى بعده ولا اللى بعده .. بلاش اكيد فى حد غضبان فى سوريا ولا لندن ولا بورسعيد ولا حتى بوركينافاسو !! ..

رن الموبايل وكانت هى !!

تعتذر للتأخير وتسألنى : أنتى فين ؟ ، اجبت انا فى المكان .. لماذا تأخرتى عن موعدنا .. قعدت تحلف انها كانت مضطره ان ... وحصل ان ... وكلام كلام كلام !! .. هل اصارحها بأنى نسيت محفظتى ام اعاتبها لتأخرها ؟ ..

وجدت نفسى اغلق الخط منتظرة اياها فهى على بعد عشرة امتار من هنا ؟ ، اذا كانوا عشرة امتار فلماذا حدثتنى على الهاتف ؟ ، هذه انسب فرصة لأنصرف وتكون هى السبب و اعملها زعله و استريح منها فترة طويلة .. امسكت الموبايل وضعته فى حقيبتى وقررت الرجوع للمنزل سائرة على الاقدام بالطبع .. ولكنى وجدت فتاه تضحك على المائده المجاوره ولفتت نظرى ضحكتها و حاولت ان اسرق نظره للمائده لعلى اعرف سبب ضحكتها العاليه ..

وجدت على المائدة رجل ببدلة سوداء و امرأه كبيره فى السن متوسطة الحجم .. وفتاه انيقه تبدو فى اواخر العشرينات .. وكان واضحا ان هذا الرجل متقدم لخطبة هذه الفتاه او سيتقدم لأنه يتحدث بلباقة ويبدى اعجاب بكل حركة او كلمة تقوم بها الفتاه .. وهذا عكس الرجال على باقى الموائد فانهم اما يأكلون بنهم اما ينظرون على كل من صبغت شعرها اصفر !! ..

حولت عينى الى الباب فوجدها قادمة هى وصاحبتها اللى مبحبهاش برضه .. قلت انا ايه اللى مخلنيش امشى بس .. وبدل ما اقولهم انا ماشيه قلتلهم اطلبونا حاجه نشربها بقى !!.. قعدنا نتكلم كلام انا مبحبوش ونضحك على حاجات انا مبحبش اضحك عليها و نشرب عصير انا مبحبهوش بالطريقه دى ..

وعدى الوقت وأوصلتنى بسيارتها الى منزلى وانا متنرفزه ومضايقه ومخنوقه وغضبانه وبسأل نفسى سؤال .. أحنا ليه بنعمل حاجات احنا مش عاوزين نعملها ؟؟؟؟؟

استراحة

2010-02-12T01:08:00.010+02:00

افكر فى رجل مريض اوشكت حياتة على الانتهاء .. اشاهد اعلان لفيلم قديم .. اتذكر يوم ما وقفت امام زملائى و نقدت هذا الفيلم و حظيت بجائزة .. اضحك كلما رأيت سالم يتكلم فى الفلسفة .. اقف امام مكتبة ضخمة .. اشك فى عناوين الكتب .. افكر فى كيفية استخدام اللغة .. يعذبنى عقلى .. انظر للسماء .. يرهبنى منظرها .. اخذ نفس عميق .. ابحث عن قلم ولا اجده .. ابحث عن ورقة .. لا اجد شيئا .. اذهب للفندق .. ادخل حجرتى .. افتح الثلاجة .. اخرج 3 ثمرات طماطم .. اضعهم فى المطبخ .. اضع ماء على النار ليسخن .. افرغ حقيبتى .. اجد مفتاح لا يخصنى .. اغلق الشباك .. ابدل ملابسى .. القى بملابسى على الارض .. انام بجوارهم .

حافية القدمين

2010-02-10T19:40:00.004+02:00

اخرج اللى الشارع .. ارتدى نظارة .. امشى فى خطوات ثابتة .. لا هى سريعة ولا بطيئة .. خطوات ثابتة .. لا انظر لأحد .. فقط انظر امامى .. اكاد اسمع انزعاج الارض من خطواتى .. اتذكر جميلة ..

جميلة ونادر .. كانت جميلة تحيا قصة حب مع نادر .. اتفقا على ان يكونا معاً للأبد لا يفرقهما سوى الموت .. كانت هى متمردة على المجتمع وكان هو عازف عود يعزف فى احدى الفرق الموسيقية .. يجلسان معاً بالساعات .. يغنى هو لها و تستمتع هى به .. فى الحقيقى اننى عرفت نادر اولاً لانى كنت من عشاق العود .. وكان نادر معى فى نفس الفرقة ونفس الكلية .. اما جميلة فكانت فى الفرقة الثانية فى نفس الكلية .. كانت تأتى كثيرأ الى المحاضرات وتجلس امامة و يسند هو كوعية على ركبتيها .. وعندما يدخل المحاضر تذهب هى .. وتأتى ثانية .. عرفتها الدفعة كلها بأسمها وكان لها اصدقاء كثيرين مننا ..

قلت لهم كثيراً ان البيئة والثقافة التى نعيش فيها تبيد اى قصة حب ومن الافضل لها ان تنهى هى هذه القصة .. ولأن المجتمع هو اقوى مننا فأننا يوما ما سنخضع لها .. و أن قصة حبهما هى مكتوب لها الفشل.. كانت جميلة تنفعل جدا من كلامى ونخوض حوار طويل لا ينتهى ..

اقف على المحطة .. الجميع ينتظرون شئ ما .. اقرر ان اكون انا المختلفة ولا انتظر شئ .. اشعر بهدوء يملأ عقلى .. فأنا لا انتظر شيئاً .. انا خارج السباق .. انا مش هلعب معاكو .. يتدافعون .. يتنافسون للفوز .. يتعقبون المتعة .. وانا لا اشترك معهم ..

يبدو الجميع غير مهتم بمظهرة .. لماذا يهملون فى ملابسهم؟ وفى شكلهم الخارجى ؟ اه .. لو عرفوا مدى هذا القبح ؟
السيدات لا تتبعن موضة محددة ، فى نوع من الفوضى ! .. ارى ان فى بعض البلاد زى معين يتبعة الجميع مثل السارى فى الهند والكيمنو فى الصين، و بلاد اخرى يسايرن السيدات موضة ابتكرها مصممى الازياء مثل الميكرو جيب والستومك stomach فى الدول الاوروبية .. وحتى فى الاردن ولبنان و سوريا تجد ان الفتيات والسيدات يخرجن متألقات و ملابسهم تساير الموضة العالمية .

اما فى مصر فلا تعرف من الذى يخترع الموضة .. فنانون؟ .. مصممون ؟ .. عمال المصانع ؟ .. تسير بين محلات ملابس لا تعرف صانعها .. تشعر انك لابد ان تلبس كما يريد هو !! .. هو مين ؟ .. هوه بقى .. يفرض - هو- عليك ذوقة و ما عليك الا ان تطيعه - هوه برضه -..

حدثنى نادر بالامس سألنى عن اخبارى فمنذ وقت طويل لم نتقابل .. قال لى فى وسط كلامه ان علاقتة بجميلة انتهت .. قلت بكل صوتى " شفت " .. ضحك هو كعادتة ولكن كان يبدو صوتة حزينا .. احزن انا على اى قصة حب فى اى مكان من العالم تنتهى .. لأن الحب يسعدنى .. اغلق الخط بعد ان حددنا ميعاد فيه نتقابل اليوم .

تحركت نحو اليمين وعبرت الطريق .. اخرجت تليفونى المحمول و اتصلت به لأعرف مكانة .. رن التليفون طويلاً ، وكنت قد فقدت الامل ان يرد .. ادرت ظهرى لأن احداً كان يخبط اسفل ظهرى .. التفت لهذا الخبط .. كانت فتاة لا تتعدى الخامسة تبيع زهور .. غرست اظافرها فى معطفى تسألنى ان تأكل .. تسللت عيناى ورأها وفى ظلام تحت الكوبرى وجدت ثلاثة اخريات يجلسن تحت الكوبرى .. يستدفئن من البرد .. مشيت ثلاث خطوات فى اتجاههم .. اعمارهم بين ال 9 و ال 12 سنة .. يبدو ن هذه الفتاه اصغرهم .. بالكاد عرفت انهم بنات لانهم حلقن رؤسهن مثل الولاد .. خشيت ان اقترب خطوة اخرى .. لماذا خشيت؟ ..

عندما تعرف ان لديك الكثير لتخسرة .. ستأخذ كل خطواتك بحذر .. وتسير فى الاتجاة الذى يجعلك لا تخسر هذه الاشياء .. وتحافظ عليها لأنك تملكها و تحكم قبضتك عليها لأنك تعتقد ان انت هو ما تملك .. ولكن على النقيض عندما تعرف انك ليس لديك اى شئ لتخسرة ستتصرف بحرية اكبر .. فى هذة اللحظة شعرت انى مع كل محاولاتى مازلت املك الكثير الذى لا استطيع ان استغنى عنة بسهولة .. و لم افكر يوما ان اخسرة ..

خلعت حذائى و معطفى .. مشيت خطوتين بالجوارب على الرصيف فابتلت جواربى .. خلعتها .. و سرت حافية .. يبدو ان سلوكى اعجبهم فلم يهربوا منى .. وقفت ومسكت يد الصغيرة .. قلتلها : انتى مش بردانة ؟ قالتلى : بردانة بس هعمل اية ؟ ..

اعطتها معطفى .. اقتربت حتى وصلت للمكان الذى يجلسون فية .. نظرت فى عينيهم .. لم اجد نظرات ترحيب .. اخرجت صوتاً اكبرهم وقالت : انتى مين؟ .. لم ارد بكلمة ولكن ثبت نظرى فى عينها .. كانوا هم ايضا حافيات .. اخذوا الصغيرات الحذاء من يدى و الجوارب المبللة .. ارتدت احدهن الحذاء والاخرى الجوارب .. وجدتهم يدسون فى كيس اسود .. عيش ناشف .. اخرجت الصغيرة قطعة ووضعتها فى فمها .. سألتهم لماذا حلقتم رؤساكم ؟ ..اجابوا حتى لا يتعرف عليهم - ولاد الحرام - على حد قولهم ..

قضيت معهم من 10 الى 15 دقيقة .. سألت عن اسم كل واحدة فيهم .. ظلت الكبيرة تحاورنى والصغار اهتموا بالمعطف والحذاء ولا اعلم اين وضعوا الجوارب المبللة ؟ ..

رن هاتفى وكان نادر هو المتصل .. اخبرنى انه يعتذر عن الحضور ويؤجل الميعاد .. مشيت حافية حتى منزلى .. ودخلت وجلست واخرجت مذكراتى و كتبت " لم يعد بداخلى فراغ " .

مش عارفة اقرا الجرنان !!

2010-02-09T22:34:00.003+02:00

ممكن الجرنان .. حاضر يا فندم .. لأ لأ انا مش عايزة ال(......) انا عايزة ال(......) .. حاضر يا فندم .. اتفضلى !!

امسك بالجريدة انظر حولى .. المكان كلة ناس .. اية القرف ده !! .. الواحد ميعرفش يقعد لوحدة شوية .. ولد وبنت قاعدين بيذاكروا .. ست وراجل بيشربوا سجاير .. خلاص الستات بقت تعمل كل حاجة .. تشتغل وتربى العيال وتشرب سجاير وتقعد عالقهوة وتصرف عالبيت .. مبقاش الراجل هو الاهم .. بقت فى مساواة ..

فى عيد ميلاد .. مجموعة كبيرة من البنات .. اللة شكلهم حلو قوى .. اظاهر انهم بيدرسوا .. ايوة شكلهم صغير .. اه لو تعرفوا انكم مش هتشتغلوا باللى انتو بتدرسوه .. اكيد هتزعلوا اوى .. ولا يمكن متزعلوش .. فى عينيكوا متفائلين و مستعدين تشتغلوا اى حاجة تجيب فلوس .. اكيد نظرتكم لنفسكم مش بيحددها انتوا بتشتغلوا اية .. صح اكيد ..

امسك بالجرنان ، عايزة اقرا العناوين الكبيرة .. مش عارفة .. مش عارفة اركز .. الموبايل بيرن .. ها .. الو .. هممم .. ها .. ماشى .. طيب .. خلاص 4:30 .. اوك 5:00 .. اوك 4:45 .. اوك .. خلاص خلاص .. لما توصلى كلمينى وانا هانزل .

خلاص اهدى بقى واقرى العناوين .. تحسن الجو يبدأ من اليوم .. كويس فهمت حاجة اهه .. الجو فعلا حلو انهاردة ..

حصل فراغ كبير .. كل واحد بقى يفكر بطريقة .. وانا مبعلقش!! .. علشان يظل السلام مخيم على العلاقة .. بس انا بقيت فى عزلة من كتر السكوت .. نفسى اصرخ جامد قوى من فوق برج القاهرة .. اقول انا موجوده .. بس انا عارفة بعد ما اصرخ هعيط ....

هعيط لية ؟ .... وهقعد اهدى فى نفسى.... اهدى فى نفسى لية ؟.... ما انا غضبانة ؟ .. اوف انا زهقت من نفسى مش فاهمها ..

مين دول ؟ اية اللى جايبهم هنا ؟ شكلهم كبير قوى .. وغير كده شكلهم مهم .. اظاهر رجال اعمال !! ..

ايه ده مفيش علامة يحطوها على المحل كده من برة يكتبوا عليها للشباب بس ولا للصغيرين بس . يا ساتر يا رب .. اهم هيقعدوا يبصوا على كل بنت ويتحسروا على شبابهم ..

يارب ميقعدوش جنبى .. لأ .. لأ .. امشوا .. يارب ميعجبهومش المكان .. لأ لأ .. عجبهم .. قعدوا .. لأ مش جنبى .. قعدوا قدامى ..

خلاص انا هبص فى الجرنان ومش هبص عليهم خالص ..

هقرا اهه ........

يا ترى هو فكر فى انهاردة ؟ .. انا طول النهار بفكر فية .. انا متهيألى حلمت بية .. انا ضحكت لتلاتة فى الشارع كنت فاكراهم هو .. انا بحبة ولا اية ؟!!! ..... لأ لأ بلاش حب .. الحب مبيجيش من وراه غير الالم ..

بس متستغربش .. مش اللى بيحب قضية ولا فكرة بيتألم كتير ؟! .. وممكن يتعذب ؟! .. عذاب عذاب لأ .. انا بخاف .. لأ .. لأ .. مش هفكر .. مش عايزة افكر .. مش عايزة اتألم ..

انا عايزة اهرب .. اهرب من نفسى .. اهرب من الناس .. اهرب من اصحابى .. اهرب من الحقايق .. انا هنام .. هنام ليل ونهار .. انا تعبانة .

صوت المغنية دى انا بحبة قوى .. صوت عربى وكلمات عربية .. بس انا مش عارفة هى مين ؟ .. يا ترى هى مين ؟.. اسوأ شئ انك تحب حد مشفتهوش ولو قابلتة تحس انه مش عارف قيمة موهبتة وهى إد اية بتهز قلوب ومشاعر التانيين ، ولا تلاقية بيغنى كلام وخلاص وانت الكلام لمسك لأنك انسان حساس .. مش لأنة حاسس باللى هو بيقولة ..

اغنية تانية جت وراها .. اغنية فرنساوى .. انا حاسة ان المغنية دى بقها صغير قوى .. اصلها بتنطق الكلمات كده .. يا سلام على الكلام الجميل .. انا مش فاهمة ولا كلمة طبعاً .. انا معرفش فرنساوى .. واكيد عينيها ضيقة .. اية الهبل دة ؟؟ .. اذاى يعنى عرفتى الشكل من الصوت ؟ ... ممكن تطلع غير كدة خالص .. خلاص بقى كفاية كده انا دماغى وجعتنى .. عايزة اقرا الجرنان ..

فى كلام مش فاهماه .. كلام بيصعب على الموضوع .. انا اصلا مش عارفة اركز .. يعنى اية الكلام ده ؟ .. ده فى مصطلحات كاملة مش فاهمها .. والكلام ده بيترتب علية باقى الموضوع .. اية الكلام ده ؟ .. لية ميعملوش الجرنان فى مستوى الطالب المتوسط ؟ .. قصدى فى مستوى المواطن المتوسط ؟ .. والمفروض كمان يفرضوا علينا الجرايد فى المدرسة علشان نتعود على القراءة والنقد والحوار ..

كفاية دوشة بقى .. عايزة اقرا ....

طب هبتدى من اخر صفحة .. مش لازم اقرا مالاول للأخر .. مش مهم الطريقة بس المهم الهدف ..

لأ مش فاهمة ولا كلمة .. خلاص هبتدى مالاول عشان افهم ..

اه هى دى الاغنية اللى انا مستنياها من الصبح .. جميلة .. ليس غيرُك .. فعلاً ليس غيرُك ..

كدة الجرنان يتعشى وينام !!

مراحل الايمان

2009-11-22T12:44:00.000+02:00

توجهت الية مباشرة بأسئلة عن الايمان غير متخوفة من ان تنتهى علاقاتنا فيجب ان يعرفنى وايمانى هو جزء كبير منى وكبير فى حياة اى انسان وإذا عرفتة عرفت الكثير عن الانسان.. اللة والانسان .. الكون والله .. الاديان .. البوذية .. المجتمع وعاداتة ...
وكانت اسألتى عاصفة احسست بأرهاق بعدها وشعرت بتجنبه الحوار فى هذا الموضوع و بدئه فى موضوع انواع الشخصيات التى قرأ عنها فى احد الكتب لمؤلف مشهور بين الشباب ...

كنت مستاءة لتغييره للموضوع ولكنى قررت ان اصل لشئ ما منه .. فعلى ان اعرف فى اى مرحلة هو ؟

فسألتة : هل تعرف انى اوجدت للإيمان مراحل ؟
اجاب : ماذا تقصدين ؟

اجبت : اقصد عندما نبدأ فى الايمان بعقيدة ما.. ثم الايمان بالانسان.. ثم الايمان بالطبيعة .. ثم الايمان باللة . .. وبالطبع كل مرحلة بينها مراحل كثيرة ..

نظر هو الي وبدا علية شئ من عدم الفهم ولكنه اجاب : اذن انا فى المرحلة الاخيرة

سألتة : هل تعتقد انه بسهوله يمكن ان نصل للمرحلة الاخيرة ؟
لم يرد ولكنة حرك رأسة بالايجاب

لم يدر حديث مهم بعدها ولكنه كان مجرد كلام يملأ فراغ الوقت ..

بعدها ذهبت معه مباشرة للمطار لأودعه .. كان يجب ان يلحق بالطائرة فى هذا الميعاد .. لم اتوقع منة ان يتصل بى عند وصولة لذلك لم اسأله ان يفعل .. ولكنى تلقيت منه اتصالا فى اليوم التالى يخبرنى انه وصل و لم يذهب للعمل اليوم و قرر ان يأخذ اول يوم راحة وأنه وجدها فرصة لللقيام بشراء بعض المشتريات ...

وسألنى اذا كنت اريد اكسسوارات او برفان معين او اشياء للمطبخ .. ايه مطبخ ؟!! ..مطبخ ؟!! .. اه مطبخ - فهمت الان لماذا لم يهتم بكلامى فأنا فى نظرة بلا قيمة بدون محشى وكشرى و مسقعة .. ففى مجتمعنا مهما وصلت المرأة لمراكز فى العمل ولشهادات دراسية واختراعات علمية وفكرية ستظل فى دائرة معينة وقالب يضعها فيه المجتمع والرجل نفسه ولهذا تنتشر هذه الامثال فى بلادنا العربية " الطريق لقلب الراجل معدته " واذا حاولت ان تجد لها ترجمة فى اى لغة اخرى لن تجد - شكرتة غصب عنى .. وعاهدت نفسى الا اتكلم فى هذا الموضوع مع اى رجل او شخص اخر و ذلك ل 3 اسباب.. الاول لأنه راجل مصرى .. والتانى لأنى ست مصرية .. والتالت لأننا الاثنين نعيش فى مصر .
اسباب مقنعة .. صح ؟؟؟

انا محتاج وقت

2009-06-17T11:20:00.001+03:00

اقترب الميعاد واسرعت الساعة لترتكز العقارب على ارقام الساعة المعلقة امامها .. جاءت السادسة ومر الوقت كالدقائق رغم اعتيادها على الملل مبكرا من العمل .. ومن اوامر المديرين الا ان اليوم كان مختلف فالناس تبدو كالاطفال امامها تضحك مع الكل وتداعب الكل وتجرى احيانا فى صالة الاستقبال الواسعة و تتذكر موعدها وتحضر الكلام و تجد الابتسامة فجأه ترتسم على وجهها فتنظر الى شاشة الكمبيوتر بجدية خشية ان يكشف افكارها احدهم ..

تتنهد فى هدوء وتتسائل ماذا حدث ؟ .. ماذا تغير ؟ .. متى اصبحت سعيده الى هذه الدرجة ؟ .. كيف الاخرون غير سعداء ؟ .. اليس لديهم من يحبون فى حياتهم ؟ .. كيف يحزروننا اهلنا من الحب ؟ .. ولماذا يقمع المجتمع كل ما هو حقيقى ؟ .. اه المجتمع .. تمردت علية كثيرا .. ولازال هو الاقوى .. مستبد ومستعمر عقولنا قبل كتبنا ..

ولكن الان وقت اخر عبر الزمن تعبر بمشاعرها الى الزمن الحقيقى ..

فالاخرون يستطيعون تقيد اجسادنا ولكن مشاعرنا وعقولنا مستحيل .. مستحيل ..

تتلفت وتضم حاجبيها وتنادى على العامل .. " شاى يا صبرى و حياتك.." .. مش كده احسن برضة حتى لو حد لاحظها يبقى اسمها بتستطعم الشاى !!..

اهو كده ممكن تفكر فية براحتها وتمذذ اللحظات ..

اه هو .. ازاى حبيتة كده ؟ .. وازاى هو حلو كده ؟ و يوم عيد ميلادها .. ولا كلامه .. ولا طريقتة يوم لما قولتله انا زعلانة منك!! كنت اخيرا جمعت كل شجاعتى ودست على قلبى علشان اقولها بقسوة .. وقولتها ..

قال لها " خلاص بقى متزعليش مترخيميش عليا " قال "عليا" دى زى الطفل .. احيانا بفكر ان كل الرجالة دى زى الاطفال .. بصراحة محدش عرفتة اثبتلى عكس كده .. هو ده صحيح ده ؟ .. ولا انا اكتشف نظرية جديده واخيرا هبقى مشهورة واطلع فى التلفزيون ؟!

ولا ده صحيح ومحدش عنده الشجاعة يقول ؟ .. طب انت ممكن تقولى وانا اوعدك مش هقول لحد !!

هركب اية ؟ هركب اية ؟ .. اية اللخبطة دى ما انا بركب كل يوم اشمعنى مش عارفة انهارده يعنى ؟ هوصل فى قد اية ؟ الساعة والطريق والزحمة .. لأ .. لأ .. لازم انزل بقى هتأخر ..

الكمبيوتر بياخد وقت لغاية ما يقفل .. اقفل بقى .. اقفل .. اية ده لأ لازم اغير الكمبيوتر .. ايوه .. المفتاح فين .. المفتاح .. يووووه .. " صبرى ابقى اقفل المفتاح " .. "قصدى اقفل الكمبيوتر والشقة" .. يووووه .. " الكمبيوتر والمكتب " ..

تجرى نحو الباب .. تقول لنفسها ان الهدوء هو احسن حل للتعامل مع التوتر .. ايواه " اهدى" .. "اهدى" لسة بدرى و الطريق هيبقى فاضى " ..

يقاطع حوارها مع نفسها العامل .." وعليكم السلام ورحمة اللة " .. ترد " اه يا صبرى معلش نسيت اقولك باى باى .. باى .. باى " .. يقف كأسد قصر النيل يضحك ..
اعتاد صبرى ان يعاملها كأمرأه متخلفة .. قليلة الحيلة .. و كثيرا ما ينصحها ويشرح لها طريقة عمل المكرونة و اللحمة المفرومة .. ودائما ما يسألها " محتاجه فلوس؟ " ويضحك وحده ووحده فقط واللهى ..

فى دقيقة كانت فى الشارع و 30 دقيقة وكانت فى المكان .. وصلت و جلست و طلبت قهوة .. اخرجت كتاب تقرأه .. وصلت قبل الميعاد بنصف ساعة ومازال القلق يحاوطها .. المكان اعتادوا ان يجلسوا فية .. اصبح مألوفا بعض الشئ .. اغلب الموجودين ما بين العشرينات و الثلاثينات .. قامت انتظرت امام الحمام .. دخلت تأكدت ان كل شئ فى مكانة .. تحدثت الى نفسها " خلاص .. خلاص .. كلة تمام " خرجت من الحمام .. جلست ونظرت الى ساعة الموبايل .. باقى 5 دقائق .. لم تمر الخمسة دقائق وكان وصل هو ..

ازيك ؟
ازيك ؟ .. اية الحلاوة دى ؟ قال هو

ميرسى ده بس من ذوقك !!
- اتأخرت عليكى ؟

- لأ خالص
- طلبتى حاجة

- اه ميرسى
- انتى ميعادك تروحى امتى ؟

توقفت كل الاحاسيس متسائلة بين نفسها .. لية بيسأل عالوقت ؟

- اجابت " تحب نمشى . انت مضايق من المكان ؟ "

- لا مش مضايق ولا حاجة بس ....
- بس اية ..

- انا كنت عايز اقولك ..
- ها ..

- احنا كل حاجة بنا بتحصل بسرعة وانا محتاج شوية وقت اعرف انا عايز احبك ولا لأ

- وانت جاى دلوقتى تاخد القرار .. القرار ده بيبقى فى الاول مش فى الاخر .

تحدث عن الكثير والكثير وجلست هى تهز رأسها .. وقد اخذت قرارها ان لا تسمع كلمة بعد جملتها السابقة ..

لم تجد افكار واضحة .. ولا كلمات تصف بها احساسها .. ولا نبض ولا رؤية واضحة عما ستفعله .. ولكنها فكرت ان تأخذ كوب السفن اب وترمية فى وشة زى اعلان سفن اب .. بس قالت حرام
!!

تمت

شوية حاجات

2008-09-30T21:39:00.000+02:00

فى حاجات عايزه اقولهالك ومش عارفه اقولهالك ازاى حاسه ان فى حاجات ظهرت بنا مكنتش موجوده فى الاول ، اصل الحاجات دى لو مقولتهاش هتفضل جوايا فالاحسن انى اقولك على الحاجات .. بس انا مش عارفه ابتدى بأنهى حاجه ؟ .

علشان انا حسيت انى كنت حاجه وحصلت حاجات خلتنى حاجه غير الاولانيه ، حاجه مخليانى مش عارفه اكلمك بصراحه ومخليانى مضايقه قوى ومطلغبطه كده و مش عارفه مالى !!

كنت قاعده افكر فى الحاجات اللى كانت بتحصل بنا والاقى نفسى بضحك من غير ما احس واضم بُقى بسرعه واكشر قبل ما حد ياخد باله انى بحب وحصل وكنت فى الشارع ولقيت شفايفى بتضحك لوحديها ، طب ادور وشى فين دلوقتى كل النواحى فيها ناس واتكسفت كده فى نفسى .

على فكرة انا جبت كتب وقريت ومجلات وحاولت ادور على الحاجات دى وشفت مواضيع وارتحت شويه للحاجات اللى عرفتها وظهر انى كان فى حاجات معرفهاش قوى لكن بعد شويه رجعت زى الاول اصل الكتب لازم تتعاش مش تتقرى وتتشاف .

ورحت مع نفسى قعدت يومين و انا قاعده كده قلت اسأل نفسى عن شوية حاجات طبيعيه رحت سألت انا قاعده ليه وبعديها وقفت كده وسألت طب انا وقفت ليه واستغربت من كده وعلى كده وراحت منى الحاجات !!

قريت القصص وحاجات فيها خلتنى اكسر روتين الحاجات وابتدى اغير طريقة تفكيرى فى اسباب الحاجات وكنت قبل ما اوصل كده بكام خطوه فكرت فيك .. طب ما يمكن انت اللى عندك الحاجات ؟

ولا انت عادى كده .. ها

نظر الى ومد يده وتناول مفاتيحه وسحب اخر شفطه فى الكوبايه وقالى "روحى اتعالجى" واختفى .

زعلت قوى وقلت أظاهر مكنش المفروض اقوله عالحاجات .